您没有安装FlashPlayer或版本太低, 请点击获得最新版本FlashPlayer
པཎ་ཆེན་སྐུ་ཕྲེང་བཅུ་པ་དགོངས་པ་ཆོས་དབྱིངས་སུ་འཐིམས་རྗེས། རྒྱལ་སྲིད་སྤྱི་ཁྱབ་ཁང་ནས་པཎ་ཆེན་སྐུ་ཕྲེང་བཅུ་པའི་དགོངས་རྫོགས་དང་ཡང་སྲིད་ཀྱི་གནས་དོན་སྒྲུབ་རྒྱུའི་ཐག་གཅོད་གནང་སྟེ། བཀྲས་ལྷུན་དགོན་གྱི་སྤྲུལ་སྐུ་གཙོ་བོ་དང༌། མཁན་པོ། བླ་མ་བཅས་ལས་གྲུབ་པའི་ཡང་སྲིད་བཙལ་འཚོལ་ཚོགས་པ་བཙུགས། ཆོས་ལུགས་ཀྱི་ཆོ་ག་དང་ཡོངས་སུ་བསྟུན་ནས་ལོ་ངོ་དྲུག་གི་རིང་དུ་ནན་ཏན་གྱི་སྒོ་ནས་ཡང་སྲིད་བཙལ་འཚོལ་གྱི་ལས་དོན་གྲུབ་པ་དང༌། མཐའ་མཇུག་ཏུ་ཡང་སྲིད་འོས་འགུགས་ཁྱེའུ་གསུམ་བདམས་ཐོན་བྱུང་བ་དེ་ལོ་རྒྱུས་ཀྱི་གོམས་ལུགས་བཞིན་རྒྱལ་སྲིད་སྤྱི་ཁྱབ་ཁང་གི་ཆེད་མངགས་ཕོ་ཉའི་གཙོ་སྐྱོང་འོག་གསེར་བུམ་དཀྲུག་ཏེ་ཁྱེའུ་རྒྱལ་མཚན་ནོར་བུ་པཎ་ཆེན་སྐུ་ཕྲེང་བཅུ་པའི་ཡང་སྲིད་ལ་དངོས་སུ་ངོས་འཛིན་བྱས་པ་མ་ཟད་རྒྱལ་སྲིད་སྤྱི་ཁྱབ་ཁང་ནས་ཏར་བཏང་སྟེ་ཆོག་མཆན་གནང༌།
པཎ་ཆེན་སྐུ་ཕྲེང་བཅུ་གཅིག་གསེར་ཁྲིར་མངའ་གསོལ་གནང་རྗེས། རྒྱ་ཆེའི་སེར་སྐྱ་མང་ཚོགས་དང་རྒྱལ་གཅེས་མི་སྣའི་བརྩི་བཀུར་ཆེན་པོ་ཐོབ། པཎ་ཆེན་སྐུ་ཕྲེང་བཅུ་གཅིག་དང་བཀྲས་ལྷུན་དགོན་གྱི་ཐུགས་རྗེ་ལེགས་འབུལ་གྱི་ཚོགས་པ་པེ་ཅིན་དུ་བསྐྱོད་པར་ཅང་ཙེ་མིན་དང་ལིའི་རུས་ཧོན་སོགས་ཏང་དང་རྒྱལ་ཁབ་དབུ་ཁྲིད་ཀྱི་བྱམས་བརྩེའི་མཇལ་འཕྲད་གནང་བ་དང་བཀྲིས་བདེ་ལེགས་ཞུས། དེ་བཞིན་པཎ་ཆེན་སྐུ་ཕྲེང་བཅུ་གཅིག་དང་བཀྲས་ལྷུན་དགོན་གྱིས་སྔར་སྲོལ་ལྟར་ཀྲུང་དབྱང་མི་དམངས་སྲིད་གཞུང་ལ་ཕྱག་རྟགས་ཕུལ་ཏེ་པཎ་ཆེན་སྐུ་ཕྲེང་རིམ་བྱོན་གྱི་རྒྱལ་གཅེས་རིང་ལུགས་དགོངས་པ་རྒྱུན་འཁྱོངས་དང༌། ཀྲུང་དབྱང་ལ་བརྩི་འཇོག རྒྱལ་གཅེས་ཆོས་གཅེས་ཀྱི་ལངས་ཕྱོགས་བརྟན་པོ་མཚོན་པར་བྱས།།
