ཁ་པར་པར་གཞི་ཕབ་ལེན།

སྤྱི་ཚེས ༢༢ ཉིན་གྱི་སྔ་དྲོ། ལྗོངས་ཏང་ཨུད་ཀྱི་ཧྲུའུ་ཅི་ཝང་ཅུན་ཀྲེང་གིས་རང་སྐྱོང་ལྗོངས་ཏང་ཨུད་རྒྱུན་ལས་ཨུ་ཡོན་ལྷན་ཁང་གི་རྒྱ་ཆེའི་ཚོགས་འདུ་གཙོ་སྐྱོང་གནང་ནས། སྐབས་བཅུ་དགུ་པའི་ཀྲུང་དབྱང་སྒྲིག་ཨུད་ཀྱི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་དང་། ལྷག་པར་དུ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་སོགས་བརྒྱུད་བསྒྲགས་སློབ་སྦྱོང་གནང་བ་རེད།

ལྗོངས་ཡོངས་ཀྱི་སྤྱོད་ཚུལ་ལེགས་སུ་གཏོང་བ་དང་དོན་འཁྱོལ་བྱ་རྒྱུར་དམ་འཛིན་བྱེད་པའི་སྐུལ་སློང་བཀོད་སྒྲིག་ཚོགས་འདུ་ཚོགས་རྗེས། རང་ལྗོངས་ཀྱི་ཚན་པ་ཁག་གིས་འཕྲལ་དུ་སྤྱོད་ཚུལ་ལེགས་སུ་གཏོང་རྒྱུ་དེ་གཙོ་དོན་དུ་བཟུང་ནས་དཔེ་སྟོན་དྲུག་དང་ངེས་པར་དུ་སྒྲུབ་དགོས་པ་བརྒྱད་དཔེ་བསྡུར་བྱས་ཏེ། སྤྱོད་ཚུལ་ལེགས་སུ་གཏོང་བ་དང་དོན་འཁྱོལ་བྱ་རྒྱུར་དམ་འཛིན་བྱེད་པའི་ལས་དོན་ཏན་ཏིག་སྤེལ་ཡོད།

ཡུན་རིང་མ་སོང་གོང་པེ་ཅིང་དུ་ཚོགས་པའི་རྒྱལ་ཡོངས་ཕུལ་བྱུང་གི་ཆེད་ལས་ལག་རྩལ་ཤེས་ལྡན་པའི་གཟེངས་བསྟོད་ཚོགས་འདུ་སྐབས་དྲུག་པའི་ཐོག རྒྱལ་ཡོངས་ཀྱི་ཕུལ་བྱུང་ལག་རྩལ་ཤེས་ལྡན་པ་དང་སྔོན་ཐོན་མཉམ་སྡེབ་ལ་གཟེངས་བསྟོད་བྱས་ཡོད། བོད་རང་སྐྱོང་ལྗོངས་མི་དམངས་སྨན་ཁང་གི་ཡོན་ཀྲང་གཞོན་པ། འགོས་ནད་ཚན་ཁག་གི་ཀྲུའུ་རེན་ཧྲི་ལི་ལ་རྒྱལ་ཡོངས་ཕུལ་བྱུང་གི་ཆེད་ལས་ཤེས་ལྡན་པའི་མཚན་སྙན་ཐོབ་པ་རེད།།