ལྗོངས་ཡོངས་ཀྱི་ཁྲོམ་ར་རྒྱུན་མཐུད་སླར་གསོ་ཐུབ་པ།

ཡོང་ཁུངས།   བོད་ལྗོངས་རླུང་འཕྲིན་བརྙན་འཕྲིན།       རྩོམ་པོ།   བོད་ལྗོངས་འཕྲིན་དྲ།      སྤེལ་དུས།   2020-07-13

您没有安装FlashPlayer或版本太低, 请点击获得最新版本FlashPlayer

 
 
 
 
00:00

ཉིན་ཤས་གོང་གསར་འགོད་པས་ལྗོངས་ཚོང་དོན་ཐིང་ནས་ཤེས་རྟོགས་བྱས་པར་གཞིགས་ན།  ཟླ་ཤས་བསྟུད་མར་རང་ལྗོངས་ཀྱི་ཚན་པ་ཁག་གིས་སེམས་ནུས་གཅིག་སྒྲིལ་ངང་ཏོག་གསར་གློ་ཚད་ཀྱི་ནད་ཡམས་ལས་ཐོན་པའི་ཤུགས་རྐྱེན་ངན་པར་ཁ་གཏད་གཅོག་ཆེད།  བྱ་ཐབས་སྣ་ཚོགས་བཟུང་ནས་སླར་གསོའི་རང་བཞིན་གྱི་འཛད་སྤྱོད་ལ་སྐུལ་ཁྲིད་བྱས་པས།  ཚོང་དོན་གྱི་དཔལ་འབྱོར་དམིགས་ཚད་ཁག་ལེགས་སྒྲུབ་ཡག་པོ་བྱུང་སྟེ་ལྗོངས་ཡོངས་ཀྱི་ཁྲོམ་ར་རྒྱུན་མཐུད་འཁྲུག་ཏུ་ཕྱིན་ཡོད།

སྤྱི་ཟླ་དང་པོ་ནས་ལྔ་པའི་བར།  ལྗོངས་ཡོངས་ཀྱི་སྤྱི་ཚོགས་འཛད་སྤྱོད་དངོས་པོའི་སིལ་ཚོང་སྤྱི་འབོར་ཁྱོན་སྒོར་དུང་ཕྱུར ༢༥༠.༩ ཟིན་པ་དེ་དུས་མཚུངས་པ་ལས་བརྒྱ་ཆ ༡༢.༦ ཆགས་པ་དང་།  ཆགས་ཚད་སྤྱི་ཟླ་དང་པོ་ནས ༤ པའི་བར་ལས་བརྒྱ་ཆ ༢.༤ ཡིས་དམའ་རུ་ཕྱིན་ཏེ་རྒྱལ་ཡོངས་ལས་བརྒྱ་ཆ ༠.༩ ཡིས་མཐོ་བ་ཡོད་པ་དང་།  ཕྱི་ཕྱོགས་ཉོ་ཚོང་གི་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར ༧.༢ ཟིན་པའི་ནང་།  ཕྱིར་གཏོང་བྱེད་ཚད་སྒོར་དུང་ཕྱུར ༤.༧ ཟིན་ནས་བརྒྱ་ཆ ༥༨.༦ ཆགས་པ་དང་།  ནང་འདྲེན་བྱེད་ཚད་སྒོར་དུང་ཕྱུར ༢.༤ ཟིན་ནས་བརྒྱ་ཆ ༦༦.༡ འཕར་ཡོད།

ལྗོངས་ཚོང་དོན་ཐིང་ནོར་དོན་འཆར་འགོད་ཁྲུའི་འཆར་འགོད་ཁོའོ་ཡི་འགན་འཁུར་བ་ལི་ཅན་ཧུའེ་ཡིས།  སྤྱི་ཟླ་དང་པོ་ནས ་ལྔ་པའི་བར།  རང་ལྗོངས་ཁེ་ལས་ཀྱིས་ཚོང་ལས་དང་ཁྲོམ་ར་སླར་གསོ་ཐུབ་རྒྱུར་གང་མགྱོགས་སྐུལ་འདེད་བཏང་བ་དང་བསྟུན་ནས།  ནད་ཡམས་འགོག་ཟོན་རྒྱུན་རྣམ་ཅན་གྱི་སྲིད་ཇུས་ཁག་དོན་འཁྱོལ་ཐུབ་པ་དང་།  ལྷག་པར་དུ་འཛད་སྤྱོད་ལ་སྐུལ་འདེད་གཏོང་བའི་སྲིད་ཇུས་བྱ་ཐབས་རབ་དང་རིམ་པའི་ཕན་འབྲས་རིམ་བཞིན་ཐོན་ཏེ་འཛད་སྤྱོད་ཁྲོམ་ར་རིམ་བཞིན་འཁྲུག་ཏུ་ཕྱིན་ཡོད་པ་དང་།  སྤྱི་ཟླ ༥ པར།  རང་ལྗོངས་ཀྱི་འཛད་སྤྱོད་ཁྲོམ་ར་རྒྱུན་མཐུད་སླར་གསོ་བྱུང་ནས་ཁྲོམ་རའི་བྲིན་ཚོང་རྒྱུན་མཐུད་འཁྲུག་ཏུ་ཕྱིན་ཡོད་ཅེས་གསུངས།

གོམ་སྟབས་རྗེས་མར།  ལྗོངས་ཚོང་དོན་ཐིང་གིས་འཛད་སྤྱོད་ལ་སྐུལ་འདེད་གཏོང་བའི་སྲིད་ཇུས་བྱ་ཐབས་མུ་མཐུད་ལག་བསྟར་བྱས་ཏེ།  གཙོ་གནད་ཚོང་དོན་ཁེ་ལས་ལ་འབྲེལ་གཏུག་དང་ཞབས་ཞུ་ཡག་པོ་སྒྲུབ་རྒྱུ་དང་།  ནེ་པ་ལར་ཕྱོགས་པའི་དངོས་ཟོག་མཁོ་སྤྲོད་ཡག་པོ་བྱེད་རྒྱུར་མུ་མཐུད་དོ་ཁུར་དང་མཛུབ་ཁྲིད་བྱ་རྒྱུ་མ་ཟད།  ཕྱི་ཕྱོགས་ཉོ་ཚོང་བརྟན་པོར་རྒྱབ་སྐྱོར་བྱེད་ཤུགས་ཆེ་རུ་གཏོང་བ་སོགས་ཀྱི་ལས་དོན་མུ་མཐུད་སྤེལ་ནས་ཚོང་དོན་གྱི་རྣམ་པ་གསར་པ་ཧུར་ཐག་གཏོད་རྒྱུ་རེད།།

  ༼  རྩོམ་སྒྲིག་ངག་དབང་། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]