ཕོ་བྲང་པོ་ཏ་ལར་ཉིན་རེར་ལྟ་སྐོར་བ༤༠༠༠ལས་བརྒལ་མི་ཆོག

ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།       རྩོམ་པོ།   བོད་ལྗོངས་འཕྲིན་དྲ།      སྤེལ་དུས།   2020-08-08

您没有安装FlashPlayer或版本太低, 请点击获得最新版本FlashPlayer

 
 
 
 
00:00

ལྷ་སར་ཡུལ་སྐོར་བ་མང་བའི་དུས་སུ་སླེབས་པའི་སྐབས་སུ།  ཕོ་བྲང་པོ་ཏ་ལ་སོགས་ཡུལ་སྐོར་བ་མང་ཤོས་ཀྱི་མཛེས་ལྗོངས་ཁུལ་དུ་ཡུལ་སྐོར་བ་ཇེ་མང་དུ་འགྲོ་བཞིན་ཡོད།  གསར་འགོད་པར་ཕོ་བྲང་པོ་ཏ་ལའི་དོ་དམ་ཁྲུའུ་ནས་ཤེས་རྟོགས་བྱུང་བར།  རིམས་ནད་སྔོན་འགོག་དང་ཚོད་འཛིན་གྱི་ལས་དོན་ཡག་པོ་བསྒྲུབས་ནས་ཕོ་བྲང་པོ་ཏ་ལའི་རིག་དངོས་དང་ཁང་པ་སྲུང་སྐྱོང་བྱས་ཏེ་ཡུལ་སྐོར་བའི་སྤྲོ་གསེང་གི་བདེ་འཇགས་འགན་ལེན་བྱ་ཆེད།  ཕོ་བྲང་པོ་ཏ་ལའི་དོ་དམ་ཁྲུའུ་ཡིས་མིང་ངོ་མ་འགོད་པའི་ལམ་ལུགས་ཀྱི་དྲ་རྒྱ་ནས་མངགས་པ་དང་དུས་མཚམས་དབྱེ་ནས་ལྟ་སྐོར་བྱེད་པ་སོགས་ཀྱི་བྱ་ཐབས་སྤྱད་ཡོད་པ་རེད།

ངོ་སྤྲོད་བྱས་པར་གཞིགས་ན།  ཕོ་བྲང་པོ་ཏ་ལར་ལྟ་སྐོར་བྱེད་པའི་དུས་ཚོད་ནི་ཉིན་རེའི་ཆུ་ཚོད ༠༠༡༤༠༠ཆུ་ཚོད་ ༡༥༤༠ ནས་འཛུལ་མི་ཆོག་པ༽ཡིན་པ་དང་ཉིན་ལྟར་མི ༤༠༠༠ ལས་བརྒལ་ཆོག་གི་མེད།  སྤ་སེ་མངགས་པའི་དུས་ཚོད་ནི་ཉིན་རེའི་ཞོགས་པའི་ཆུ་ཚོད ༨ པར་ཡིན་པས་ཡུལ་སྐོར་བས་ངེས་པར་དུ་ཉིན་གཅིག་གི་སྔོན་ནསཕོ་བྲང་པོ་ཏ་ལའི་སྒོ་འཛིན་མངགས་པའི་མ་ལགབརྒྱུད་སྤ་སེ་མངགས་དགོས་པ་དང་སྤ་སེ་མངགས་རྗེས་ཕྱི་ཉིན་ལྟ་སྐོར་ལ་བསྐྱོད་ཆོག་གི་ཡོད།  ཡུལ་སྐོར་བས་ལྟ་སྐོར་བྱེད་སྐབས་ངེས་པར་དུ་ཐོབ་ཐང་ལག་ཁྱེར་འཁྱེར་དགོས་པ་དང་།  ལྟ་སྐོར་གྱི་སྤ་སེ་མངགས་པའི་ཨང་རྟགས་དང་བདེ་ཐང་ཨང་རྟགས་མཁོ་འདོན་བྱེད་དགོས་པ་མ་ཟད་ལྟ་སྐོར་བྱེད་རིང་ཁ་རས་རྒྱག་དགོས་ཀྱི་ཡོད།

ཡུལ་སྐོར་བས་སྤ་སེ་མངགས་སྐབསཕོ་བྲང་པོ་ཏ་ལའི་གཞུང་ཕྱོགས་ལས་སྟེགསཀྱི་སྐད་འཕྲིན་སྤྱི་སྟེགས་བརྒྱུད།  ཕོ་བྲང་པོ་ཏ་ལའི་སྤ་སེ་མངགས་པའི་མ་ལག་ཏུ་འཛུལ་ནས་སྒོ་འཛིན་མངགས་པའི་དུས་ཚོད་བདམས་ཏེ།  མིང་ངོ་མ་འགོད་པ་དང་ཐོབ་ཐང་ལག་ཁྱེར་གྱི་ཨང་རྟགས་དང་ཁ་པར་ཨང་གྲངས་བརྒྱངས་རྗེས་ཐོབ་ཐང་ལག་ཁྱེར་གྱི་རྒྱབ་མདུན་གྱི་པར་བསྐུར་ན་སྤ་སེ་མངགས་ཐུབ་ཀྱི་ཡོད་པ་རེད།

རིམས་ནད་སྔོན་འགོག་དང་ཚོད་འཛིན་གྱི་ལས་དོན་རྒྱུན་རྣམ་ཅན་གྱི་བླང་བྱ་དང་འཚམ་ཆེད།  ལྟ་སྐོར་བས་བང་སྒྲིག་དགོས་པ་དང་ལྟ་སྐོར་བྱེད་སྐབས་ངེས་པར་དུ་བར་ཐག་སྨི ༡.༥ ཡན་འཇོག་དགོས།  མི་མང་པོ་མཉམ་འཛོམས་མི་བྱེད་པའི་ཆེད་དུ་ཕོ་བྲང་པོ་ཏ་ལའི་དོ་དམ་སྡེ་ཚན་གྱིས་ཉིན་ལྟར་དུས་ཚོད་གཏན་འཁེལ་གྱིས་འགྲེམས་ཁང་དུ་དུག་སེལ་བྱེད་པ་མ་ཟད་ལས་དོན་པ ༢༠༠ ལྷག་ཙམ་གྱིས་བརྒྱུད་རིམ་ཧྲིལ་པོར་སྐོར་སྲུང་བྱས་ནས་ཕོ་བྲང་དུ་ལྟ་སྐོར་བྱེད་མཁན་མང་དུ་སོང་ཚེ།  གནས་ཚུལ་ཞིབ་ཕྲར་གཞིགས་ནས་ཡུལ་སྐོར་བ་ཚོད་འཛིན་བྱེད་པ་སོགས་ཀྱི་བྱ་ཐབས་སྤྱོད་རྒྱུ་རེད།།

  ༼  རྩོམ་སྒྲིག་ནོར་བུ། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]