ཡན་ཅིན་ཧའེ་ཡིས་རང་སྐྱོང་ལྗོངས་སློབ་གསོ་ཡིག་རྒྱུགས་ཁང་དུ་བརྟག་ཞིབ་གནང་།

ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།       རྩོམ་པོ།   བོད་ལྗོངས་འཕྲིན་དྲ།      སྤེལ་དུས།   2020-08-15

您没有安装FlashPlayer或版本太低, 请点击获得最新版本FlashPlayer

 
 
 
 
00:00

སྤྱི་ཚེས ༡༣ ཉིན་གྱི་སྔ་དྲོ།  ལྗོངས་ཏང་ཨུད་ཀྱི་ཧྲུའུ་ཅི་གཞོན་པ་ཡན་ཅིན་ཧའེ་ཡིས་རང་སྐྱོང་ལྗོངས་སློབ་གསོ་ཡིག་རྒྱུགས་ཁང་དུ་ཕེབས་ནས།  རང་ལྗོངས་ཀྱི་སློབ་གསོ་ཡིག་རྒྱུགས་ཀྱི་དྲ་ཐོག་རྒྱུགས་དཔྱད་དང་མཐོ་རྒྱུགས་སློབ་བསྡུ་བསྡུ་ལེན་སོགས་ལས་དོན་སྤེལ་ཚུལ་ལ་བརྟག་ཞིབ་གནང་བ་དང་།  རང་སྐྱོང་ལྗོངས་ཏང་ཨུད་དང་སྲིད་གཞུང་གི་ཚབ་ཞུས་ཏེ་དྲ་ཐོག་རྒྱུགས་དཔྱད་ཀྱི་དགེ་རྒན་དང་ལས་དོན་མི་སྣ་ཡོངས་ལ་འཚམས་འདྲི་དང་ཐུགས་རྗེ་ཆེ་ཞུས་པ་རེད།

ཡན་ཅིན་ཧའེ་ཡིས་སྔ་རྗེས་སུ་ཁ་གཏད་མཐོ་རིམ་ལས་རིགས་ཀྱི་ཡིག་རྒྱུགས་དྲ་ཐོག་རྒྱུགས་དཔྱད་ཀྱི་ས་གནས་ས་ཐོག་དང་།  ལྗོངས་ནང་ཁུལ་གྱི་མཐོ་རྒྱུགས་དཀྱུས་མ།  ནང་སའི་བོད་ལྗོངས་འཛིན་གྲྭའི༼སློབ་གྲྭ༽མཐོ་རྒྱུགས་དཀྱུས་མའི་སློབ་བསྡུའི་ས་གནས་ས་ཐོག་བཅས་སུ་ཕེབས་ནས་རང་ལྗོངས་ཀྱི་ཁ་གཏད་མཐོ་རིམ་ལས་རིགས་ཀྱི་ཡིག་རྒྱུགས་དྲ་ཐོག་རྒྱུགས་དཔྱད་དང་མཐོ་རྒྱུགས་སློབ་བསྡུའི་འབྲེལ་ཡོད་ལས་དོན་སྤེལ་ཚུལ་གྱི་ངོ་སྤྲོད་ནན་ཏན་ངང་གསན་པ་དང་།  སྐར་གྲངས་དཔྱད་བསྡུར་ཚད་གཞི་དང་།  རྒྱུགས་དཔྱད་སློབ་བསྡུའི་བརྒྱུད་རིམ།  བདེ་འཇགས་དོ་དམ་སོགས་ཀྱི་གནས་ཚུལ་མཁྱེན་རྟོགས་ཞིབ་ཕྲ་གནང་བ་མ་ཟད།  མཐོ་སློབ་སློབ་ཐོན་སློབ་མའི་ལས་ཞུགས་གནས་ཚུལ་ལ་བཀའ་འདྲི་ཞིབ་ཕྲ་གནང་བ་རེད།  ལྗོངས་ནང་ཁུལ་གྱི་མཐོ་རྒྱུགས་དཀྱུས་མའི་སློབ་བསྡུའི་ལས་དོན་དེ་སྤྱི་ཟླ ༨ པའི་ཚེས ༦ ཉིན་ནས་དངོས་སུ་འགོ་ཚུགས་པ་དང་སྔོན་དཔག་བྱས་ན་སྤྱི་ཟླ ༩ པའི་ཟླ་མཇུག་ཏུ་མཇུག་སྒྲིལ་རྒྱུ་ཡིན་པ་དང་།  ནང་སའི་བོད་ལྗོངས་འཛིན་གྲྭའི༼སློབ་གྲྭ༽མཐོ་རྒྱུགས་སློབ་བསྡུའི་ལས་དོན་དེ་ལྗོངས་ནང་ཁུལ་དང་མཉམ་དུ་སྤེལ་འགོ་ཚུགས་པ་དང་།  སྔོན་དཔག་བྱས་ན།  སྤྱི་ཟླ ༨ པའི་ཟླ་མཇུག་ཏུ་མཇུག་འགྲིལ་རྒྱུ་རེད།  མིག་སྔར།  ལྗོངས་ཡོངས་ཀྱི་རིགས་ཁག་གི་ཡིག་རྒྱུགས་ཀྱི་རྒྱུགས་དཔྱད་དང་།  སྐར་གྲངས་བསྐྱར་ཞིབ།  གཟུགས་པོ་བརྟག་དཔྱད།  བསྡུ་ལེན་སོགས་ཀྱི་ལས་དོན་གོ་རིམ་ལྡན་པའི་ངང་སྤེལ་བཞིན་ཡོད་པ་རེད།  ལས་དོན་མི་སྣའི་བྲེལ་འཚུབ་ཀྱི་གཟུགས་བརྙན་དང་།  བྱང་ཆུབ་པའི་ལས་ཀ  འགན་ཁུར་བའི་སྙིང་སྟོབས།  གཟབ་ནན་གྱི་སྤྱོད་ཚུལ་བཅས་ལ་ཡན་ཅིན་ཧའེ་ཡིས་ཁས་ལེན་དང་བསྔགས་བརྗོད་གནང་བ་རེད།

ཡན་ཅིན་ཧའེ་ཡིས་ནན་གསུངས་གནང་དོན།  སློབ་གསོ་དྲང་གཞག་ཡོང་བ་ནི་སྤྱི་ཚོགས་དྲང་གཞག་ཡོང་བའི་རྨང་གཞི་གལ་ཆེན་ཞིག་ཡིན་པ་དང་།  དུད་ཚང་ཁྲི་སྟོང་མང་པོ་དང་འབྲེལ་བ་ཡོད་པས་སྤྱི་ཚོགས་ཀྱིས་དོ་ཁུར་ཆེན་པོ་བྱེད་ཀྱི་ཡོད།  གཅིག་ནས་རྩ་འཛུགས་ཀྱི་འགོ་ཁྲིད་ལ་ཤུགས་སྣོན་བརྒྱབ་ནསཕྱི་ནང་སྤྱི་འདོམས་དང་།  གོང་འོག་མཉམ་སྒུལ།  ལས་ཀའི་མཉམ་ཤུགས་ཆགས་པབཅས་ཀྱི་བླང་བྱ་ལྟར།  ལས་ཀའི་འགན་འཁྲི་ཁ་གསལ་དང་ལས་ཀའི་འགན་འཁྲི་དོན་འཁྱོལ་བྱེད་དགོས་པ་དང་།  གཉིས་ནས་ལས་ཀའི་གོ་རིམ་ནན་དུ་བཏང་སྟེ་ཡིག་རྒྱུགས་སློབ་བསྡུའི་སྒྲིག་འཛུགས་དོ་དམ་ལས་དོན་ནན་པོས་བསྒྲུབ་པ་དང་།  ལྷུ་ཚིགས་ཁག་གི་དོ་དམ་གཏན་འབེབས་ལག་བསྟར་ནན་པོ་བྱས་ནས་དྲང་གཞག་དང་།  ཚད་ལྡན།  ཚན་རིག་དང་མཐུན་པ།  ཡང་དག་པ།  བདེ་འཇགས་བཅས་ཡོང་བར་འགན་ལེན་བྱས་ཏེ།  རྒྱུགས་སྤྲོད་སློབ་མ་དང་ཁྱིམ་བདག་བློ་བདེ་པོ་དང་སྤྱི་ཚོགས་བློ་ཡིད་ཚིམ་པོ་ཡོང་བར་བྱེད་དགོས་པ།  གསུམ་ནས་རྒྱུགས་དཔྱད་སྤུས་ཚད་ཚོད་འཛིན་ནན་པོ་བྱས་ཏེ་རྒྱུགས་དཔྱད་ཀྱི་ཞིབ་སྲོལ་དང་རྒྱུགས་དཔྱད་ཀྱི་ཚད་གཞི་ཁོང་དུ་ཡང་དག་ཆུད་པར་བྱས་ནས་སྐར་མ་སྤྲོད་པར་གཞི་འཛིན་ས་ཡོད་པ་དང་སྐར་མ་གཅོག་པར་གནས་ལུགས་རྒྱུ་མཚན་ཡོད་པ་བྱས་ཏེ་མང་ཚོགས་ཀྱི་དོགས་འདྲི་དང་ལོ་རྒྱུས་ཀྱི་ཞིབ་དཔྱད་ཐེག་ཐུབ་པའི་འགན་ལེན་བྱེད་དགོས་པ།  བཞི་ནསགཞོགས་འདེགས་གཅིག་དང་ཞབས་ཞུ་གཉིསཀྱི་ལས་དོན་མུ་མཐུད་ཡག་པོ་སྤེལ་ཏེ།  ཡིག་ཚགས་གཏོང་སྤྲོད་དང་།  སློབ་བསྡུ་དང་གཟུགས་པོ་བརྟག་དཔྱད་ལས་དོན་ལ་གཞོགས་འདེགས་དང་མཐོ་སློབ་ཁག་དང་རྒྱུགས་སྤྲོད་སློབ་མར་ཞབས་འདེགས་ཡག་པོ་ཞུས་ཏེ།  རང་ལྗོངས་ཀྱི་མཐོ་རྒྱུགས་ཀྱི་སློབ་མ་བསྡུ་ཚད་མཐོ་རུ་ཏན་ཏིག་གཏོང་དགོས་པ།  ལྔ་ནས་སློབ་བསྡུའི་ལས་དོན་གྱི་སྒྲིག་ལམ་དང་གསང་སྲུང་སྒྲིག་ལམ་ནན་སྲུང་གིས་གསང་སྲུང་ལས་དོན་ཡག་པོ་བསྒྲུབ་ནས་ཡིག་རྒྱུགས་ཆ་འཕྲིན་གྲངས་གཞི་བདེ་འཇགས་ཡོང་བའི་འགན་ལེན་བྱེད་དགོས་པ།  དྲུག་ནས་དྲིལ་བསྒྲགས་ཁྲིད་སྟོན་ལ་ཤུགས་སྣོན་བརྒྱབ་སྟེ།  སློབ་བསྡུའི་བསྡུ་ལེན་གྱི་དུས་མཚམས་ཁག་གི་དབང་གྲགས་ཆ་འཕྲིན་དུས་ཐོག་ཏུ་ཡོངས་བསྒྲགས་བྱེད་པ་དང་།  སྤྱི་ཚོགས་ཀྱི་དོ་ཁུར་ལ་ལན་ཧུར་ཐག་འདེབས་པ།  སྤྱི་ཚོགས་ཀྱི་ལྟ་སྐུལ་རྒྱ་ཁྱབ་ངང་དང་ལེན་བཅས་བྱས་ཏེ་ཁོར་ཡུག་ཡག་པོ་ཞིག་ཧུར་ཐག་གཏོད་དགོས་པ་བཅས་རེད།།

  ༼  རྩོམ་སྒྲིག་ངག་དབང་། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]