ལྗོངས་སྒྲིག་ཨུད་ཀྱིས་དབུལ་སྐྱོར་ཁྱབ་ཁོངས་ཀྱི་ཕྱི་ཚུལ་རིང་ལུགས་དང་དཔོན་ཉམས་རིང་ལུགས་གནད་དོན་གྱི་དཔེ་མཚོན་གྱོད་དཔེ་བཞི་བརྡ་ཁྱབ་བཏང་།

ཡོང་ཁུངས།   ཀྲུང་གོའི་བོད་ཀྱི་གསར་འགྱུར་དྲ་བ།       རྩོམ་པོ།   བོད་ལྗོངས་འཕྲིན་དྲ།      སྤེལ་དུས།   2020-09-24

您没有安装FlashPlayer或版本太低, 请点击获得最新版本FlashPlayer

 
 
 
 
00:00

དབུལ་སྐྱོར་ཁྱབ་ཁོངས་ཀྱི་ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ཀྱི་མངོན་གསལ་དོད་པའི་གནད་དོན་ལ་བཅོས་སྒྲིག་ནན་པོ་བྱས་ཏེ།  སྒྲིག་ཁྲིམས་སྒྲིག་ལམ་སྔར་བས་ནན་དུ་གཏོང་བ་དང་རྒྱུན་སྲིང་ལྷོད་མེད་ངང་སྤྱོད་ཚུལ་འཛུགས་སྐྱོང་ལ་སྐུལ་འདེད་གཏོང་ཆེད།  ཉེ་ཆར།  རང་སྐྱོང་ལྗོངས་སྒྲིག་ཨུད་ཀྱིས་དབུལ་སྐྱོར་ཁྱབ་ཁོངས་ཀྱི་ཕྱི་ཚུལ་རིང་ལུགས་དང་དཔོན་ཉམས་རིང་ལུགས་གནད་དོན་གྱི་དཔེ་མཚོན་གྱོད་དཔེ་བཞི་བརྡ་ཁྱབ་བཏང་བ་རེད།

ནག་ཆུ་གྲོང་ཁྱེར་འབྲི་རུ་རྫོང་ཚ་ཆུ་ཤང་ཏང་ཨུད་དང་སྲིད་གཞུང་གིས་དགོས་པའི་ལས་མ་བྱས་པའི་དབང་གིས་མཐའ་མགོ་གྲོང་ཚོའི་དུད་ཚང་ ༡༣ གྱི་ས་ཆ་བསྡུས་པའི་གུན་གསབ་དངུལ་དུས་ཐོག་ཏུ་མ་སྤྲད་པ་སོགས་ཀྱི་གནད་དོན་སྐོར།  སྤྱི་ལོ ༢༠༡༦ ལོའི་ཟླ ༨ པར་འབྲི་རུ་རྫོང་ཚ་ཆུ་ཤང་ཏང་ཨུད་དང་སྲིད་གཞུང་གིས་གཞི་རྩའི་འཛུགས་སྐྲུན་འགྲོ་ལུགས་མ་གཉེར་བ་དང་།  འཛུགས་སྐྲུན་ས་ཆ་ལེན་པའི་ཆོག་འཁྲོལ་མ་ཐོབ་པ།  མ་དངུལ་ཡོང་ཁུངས་གང་ཡང་མེད་པ་བཅས་ཀྱི་གནས་ཚུལ་འོག་ཚ་ཆུ་ཤང་མཐའ་མགོ་གྲོང་ཚོའི་དུད་ཚང་ ༡༣ གྱི་ས་ཆ་སྒྲིག་འགལ་ངང་བསྡུས་ཏེ་ཚ་ཆུ་ཤང་ཚོང་ལས་ཁྲོམ་གཞུང་རྣམ་གྲངས་འཛུགས་སྐྲུན་ལ་སྤྱད་པ་མ་ཟད།  ད་དུང་ས་ཆ་བསྡུས་པའི་གུན་གསབ་དངུལ་སྒོར་ཁྲི ༡༧.༤༤ དུས་ཐོག་ཏུ་མ་སྤྲད་པ་རེད།  སྤྱི་ལོ ༢༠༢༠ ལོའི་ཟླ ༡ པོར་ཀྲུང་དབྱང་གི་དབུལ་གྲོལ་འགག་སྒྲོལ་གྱི་ཆེད་དོན་སྐོར་གཟིགས་ཀྱིཕྱིར་མིག་ལྟ་བའིསྐབས་སུ་གནད་དོན་ཐེར་འདོན་བྱས་རྗེས།  གཞི་ནས་གུན་གསབ་དངུལ་སྤྲད་པ་རེད།  གོང་དུ་བརྗོད་པའི་གནད་དོན་ཐད་ཚ་ཆུ་ཤང་ཏང་ཨུད་ཀྱི་ཧྲུའུ་ཅི་སྐལ་བཟང་རྣམ་རྒྱལ་དང་།  དེ་དུས་ཀྱི་ཤང་ཏང་ཨུད་ཀྱི་ཧྲུའུ་ཅི་གཞོན་པ་ཤང་ཀྲང་དཔའ་རྒྱལ་རྡོ་རྗེར་འགོ་ཁྲིད་ཀྱི་འགན་འཁྲི་གཙོ་བོ་ཡོད།  སྤྱི་ལོ ༢༠༢༠ ལོའི་ཟླ ༤ པར་དཔའ་རྒྱལ་རྡོ་རྗེར་བསླབ་འདོམས་སྐུལ་ལྕག་གཏོང་བའི་ཆད་པ་ཕོག་པ་དང་།  སྤྱི་ལོ ༢༠༢༠ ལོའི་ཟླ ༥ པར་སྐལ་བཟང་རྣམ་རྒྱལ་ལ་ཏང་ནང་ཁུལ་གྱི་ཐ་ཚིག་སྒྲོག་པའི་ཆད་པ་ཕོག་པ་རེད།

ཉིང་ཁྲི་གྲོང་ཁྱེར་སྤོ་བོ་རྫོང་གསུམ་འཛོམས་གྲོང་རྡལ་ཏང་ཨུད་ཀྱི་ཨུ་ཡོན་འཐབ་ཕྱོགས་གཅིག་གྱུར་གྱི་ཨུ་ཡོན་དོན་ཆེན་དབང་འདུས་ཀྱིས་དགོས་པའི་ལས་མི་བྱེད་པ་དང་ལས་ཀ་ནར་འགྱངས་བྱས་པའི་དབང་གིས་དབུལ་སྐྱོར་མ་དངུལ་ནར་འགྱངས་བྱས་པའི་གནད་དོན་སྐོར།  སྤྱི་ལོ ༢༠༡༧ ལོའི་ཟླ ༡༠ པར་སྤོ་བོ་རྫོང་གསུམ་འཛོམས་གྲོང་རྡལ་གྱིས་དབུལ་གྲོལ་འགག་སྒྲོལ་གྱི་མི་སྡོད་ཁོར་ཡུག་དང་ཐོན་སྐྱེད་འཚོ་བའི་རོགས་སྐྱོར་རྣམ་གྲངས་ལག་བསྟར་བྱེད་པའི་བརྒྱུད་རིམ་ནང་།  དོན་ཆེན་དབང་འདུས་ཀྱིས་ཡིག་ཚགས་དང་གཱ་བཟོས་པའི་དུད་ཚང་དབུལ་པོའི་ཁྱིམ་ཆས་ཉོ་བའི་ཁ་གསབ་དངུལ་སྒོར་ཁྲི ༢.༦༣ དུས་ཐོག་ཏུ་རྩིས་ཞུ་མ་བྱས་པར་ནར་འགྱངས་ཟླ ༡༡ ཙམ་བྱས་པ་རེད།  སྤྱི་ལོ ༢༠༡༧ ལོའི་ཟླ ༡༢ པར་གསུམ་འཛོམས་གྲོང་རྡལ་གྱིས་གནད་སྨིན་དབུལ་སྐྱོར་དུད་ཚང་གི་ཁྱིམ་ཚང་མགྲོན་ཁང་དང་ལྷན་སྦྱར་སྒྲིག་བཀོད་རྣམ་གྲངས་ལག་བསྟར་བྱེད་པའི་བརྒྱུད་རིམ་ནང་།  དོན་ཆེན་དབང་འདུས་ཀྱིས་སྒོར་ཁྲི ༡༠ ཟིན་པའི་དངུལ་འཛིན་ཞིག་བརླགས་ནས་དངུལ་མ་སྤྲད་པར་ལོ་གཅིག་དང་ཟླ་བ་བདུན་ནར་འགྱངས་བྱས་ཡོད།  སྤྱི་ལོ ༢༠༢༠ ལོའི་ཟླ ༡ པོར་དོན་ཆེན་དབང་འདུས་ལ་ཏང་ནང་ཁུལ་གྱི་ཐ་ཚིག་སྒྲོག་པའི་ཆད་པ་ཕོག་པ་རེད།

གཞིས་རྩེ་གྲོང་ཁྱེར་གཉའ་ནང་རྫོང་སྨན་ཕུ་ཤང་གུ་མཚོ་གྲོང་ཚོའིཨུ་ལྷན་གཉིསཀྱི་ཚན་ཁག་གིས།  དབུལ་སྐྱོར་སྣོད་བཅུད་ལས་གནས་ཀྱི་མ་དངུལ་རང་དགར་ཆ་བགོས་བརྒྱབ་པའི་གནད་དོན་སྐོར།  སྤྱི་ལོ ༢༠༡༩ ལོར་གཉའ་ནང་རྫོང་སྨན་ཕུ་ཤང་གུ་མཚོ་གྲོང་ཚོའིཨུ་ལྷན་གཉིསཀྱི་ཚན་ཁག་གིས་ཤང་ཏང་ཨུད་དང་སྲིད་གཞུང་ལ་དགོངས་སྐོར་མ་ཞུས་པར་གྲོང་ཚོ་དེའི་དུད་ཚང་ ༥༧ གྱི་སྣོད་བཅུད་ལས་གནས་ཀྱི་མ་དངུལ་སྒོར་ཁྲི ༤༤.༨ རང་དགར་བླངས་ཁར།  སྒོར་ཁྲི ༤༤.༦༡ གྲོང་ཚོ་ཡོངས་ཀྱི་མི ༣༧༨ ལ་ཆ་བགོས་བྱས་པ་དང་ལྷག་མ་སྒོར་ཁྲི ༠.༡༩ གྲོང་ཚོའི་འགྲོ་སོང་གཞན་དག་ལ་སྤྱད་པ་རེད།  གོང་དུ་བརྗོད་པའི་གནད་དོན་ཐད་གུ་མཚོ་གྲོང་ཚོའི་ཏང་ཀྲི་པུའི་ཧྲུའུ་ཅི་དང་གྲོང་ཚོའི་ཨུ་ལྷན་གྱི་ཀྲུའུ་རེན་ཚེ་དབང་རིག་འཛིན་ལ་འགོ་ཁྲིད་ཀྱི་འགན་འཁྲི་གཙོ་བོ་ཡོད་པ་དང་།  གྲོང་ཚོའི་ཏང་ཀྲི་པུའི་ཧྲུའུ་ཅི་གཞོན་པ་གྲོང་ཚོའི་ཨུ་ལྷན་གྱི་ཀྲུའུ་རེན་གཞོན་པ་མིག་དམར་ལ་འགོ་ཁྲིད་ཀྱི་འགན་འཁྲི་ཆེན་པོ་ཡོད།  དེ་དང་ཆབས་ཅིག་གྲོང་དོན་ལྟ་སྐུལ་ཨུ་ལྷན་གྱི་ཀྲུའུ་རེན་ཚེ་བརྟན་གྱིས་ལྟ་སྐུལ་ལས་འགན་ཡག་པོ་ཁུར་མེད་པའི་འགན་འཁྲི་ཡོད།  སྤྱི་ལོ ༢༠༢༠ ལོའི་ཟླ ༤ པར་ཚེ་དབང་རིག་འཛིན་ལ་ཏང་ནང་ཁུལ་གྱི་ཐ་ཚིག་སྒྲོག་པའི་ཆད་པ་ཕོག་པ་དང་།  མིག་དམར་དང་ཚེ་བརྟན་ལ་བསླབ་འདོམས་སྐུལ་ལྕག་གཏོང་བའི་ཆད་པ་ཕོག་པ་རེད།  སྒྲིག་འགལ་མ་དངུལ་ཚང་མ་ཚུར་བསྡུས་ནས་ཡང་བསྐྱར་གྲངས་ཚང་སྤྲད་པ་རེད།

ལྷོ་ཁ་གྲོང་ཁྱེར་སྣ་དཀར་རྩེ་རྫོང་མཁར་ལུང་ཤང་ཏང་ཨུད་ཀྱིས་དབུལ་སྐྱོར་སྲིད་ཇུས་རང་དགར་འགྱུར་ལྡོག་བཏང་བའི་གནད་དོན་སྐོར།  སྤྱ་ལོ ༢༠༡༥ ལོའི་ཟླ ༥ པར་སྣ་དཀར་རྩེ་རྫོང་མཁར་ལུང་ཤང་ཏང་ཨུད་ཀྱི་ཚོགས་འདུའི་ཐོག་ཞིབ་འཇུག་བྱས་ནས་གཏན་འབེབས་བྱས་པ་བརྒྱུད།  སྣ་དཀར་རྩེ་རྫོང་བདེ་སྡོད་གཞུང་ལས་ཁང་གིདུད་ཚང་དབུལ་པོའི་བདེ་སྡོད་ཁ་གསབ་དུད་ཚང་རེར་སྒོར་ཁྲི ༢.༥ སྤྲོད་པ་དང་གྲོང་ཚོའི་ཉེན་ཡོད་ཁང་པ་སྒྱུར་བཀོད་ཁ་གསབ་དུད་ཚང་རེར་སྒོར་ཁྲི ༡.༥ སྤྲོད་པའིགཏན་འབེབས་དེ་རང་དགརཁང་པ་གསར་སྐྲུན་དང་།  བསྐྱར་སྐྲུན།  ཉམས་བཟོ་བཅས་ཀྱི་ཁ་གསབ་དུད་ཚང་རེར་སྒོར་ཁྲི ༢ སྤྲོད་པ་དང་ས་ཆ་གཞན་དུ་ཁང་པ་ཉོ་བའམ་ཡང་ན་ཁང་པ་རྒྱག་པར་ཁ་གསབ་དུད་ཚང་རེར་སྒོར་ཁྲི ༡ སྤྲོད་པལ་བཅོས་ནས་དུད་ཚང་ ༦ གི་མང་ཚོགས་ལ་བདེ་སྡོད་ལས་གྲྭའི་ཁ་གསབ་དངུལ་སྒོར་ཁྲི ༦ ཐོལ་པ་སྤྲད་པ་དང་།  ཞིབ་དཔྱད་དམ་འཛིན་ནན་པོ་མ་བྱས་པའི་དབང་གིས་སྲིད་ཇུས་ཀྱི་གཏན་འབེབས་དང་མཐུན་མེད་པའི་དུད་ཚང་ ༢ ལ་སྒོར་ཁྲི ༣ སྤྲད་ཡོད།  གོང་དུ་བརྗོད་པའི་གནད་དོན་ཐད་དེ་དུས་ཀྱི་མཁར་ལུང་ཤང་ཏང་ཨུད་ཀྱི་ཧྲུའུ་ཅི་ཚེ་རིང་དབྱངས་ལྡན༼གྱོད་གཞི་ལོགས་བཀར་ཐག་གཅོད༽དང་།  ཤང་ཏང་ཨུད་ཀྱི་ཧྲུའུ་ཅི་གཞོན་པ་ཤང་ཀྲང་ཧོ་པིན་ལ་འགོ་ཁྲིད་ཀྱི་འགན་འཁྲི་གཙོ་བོ་ཡོད།  སྤྱི་ལོ ༢༠༢༠ ལོའི་ཟླ ༤ པར་ཧོ་པིན་ལ་ཏང་ནང་ཁུལ་གྱི་ཐ་ཚིག་སྒྲོག་པའི་ཆད་པ་ཕོག་པ་རེད།

བརྡ་ཁྱབ་ནང་བསྟན་དོན།  ལྗོངས་ཡོངས་ཀྱི་རིམ་ཁག་ཏང་ཨུད(ཏང་ཙུའུ)ཀྱིས་ཆབ་སྲིད་ཀྱི་ཚུགས་གནས་མཐོ་རུ་ཏན་ཏིག་བཏང་སྟེ།  གཞི་རིམ་དུ་ལྷག་པའི་ཕྱི་ཚུལ་རིང་ལུགས་ཀྱི་གནད་དོན་ཐག་གཅོད་བྱེད་པ་དང་གཞི་རིམ་གྱི་ཁུར་པོ་ཡང་དུ་གཏོང་བའི་ལས་དོན་གཏིང་ཟབ་སྤེལ་བ་སོགས་ཀྱི་ཏང་ཀྲུང་དབྱང་དང་རང་སྐྱོང་ལྗོངས་ཀྱི་བླང་བྱ་ལག་བསྟར་ནན་ཏན་བྱས་ནས།  ཞན་ཆ་གསབ་པ་དང་།  སྐྱོན་ཆ་སེལ་བ།  ཉམས་ཞན་སྟོབས་ཆེར་གཏོང་བ་བཅས་ཧུར་ཐག་བྱེད་པ་དང་།  ངར་ཤུགས་གཅིག་སྒྲིམ་དང་།  ནུས་ཤུགས་ཡོད་ཚད་འདོན་པ།  གནད་སྨིན་ཇུས་བསྟར་བཅས་བྱེད་དགོས།  ལྗོངས་ཡོངས་ཀྱི་རིམ་ཁག་སྒྲིག་བཤེར་ལྟ་ཞིབ་ལས་ཁུངས་ཀྱིས་ལས་རིགས་ཁག་གི་སྡེ་ཚན་ལ་ལས་རིགས་ཀྱི་ལྟ་འདོམས་འགན་འཁྲི་ཏན་ཏིག་འཁུར་རྒྱུའི་ལྟ་སྐུལ་བྱས་ཏེ་དབུལ་གྲོལ་འགག་སྒྲོལ་གྱི་ལས་དོན་ནང་རང་སྡེ་ཚན་དང་ཁྱབ་ཁོངས་དང་འབྲེལ་བའི་གནད་དོན་མངོན་གསལ་དོད་པོ་དང་ཉམས་ཞན་ལྷུ་ཚིགས་ལ་བརྟག་ཞིབ་གཏིང་ཟབ་དང་འགག་རྩ་རྙེད་པར་བྱས་ནས་ནུས་ཤུགས་ཡོད་རྒུས་ཐག་གཅོད་བྱེད་དགོས།  དབུལ་སྐྱོར་ཁྱབ་ཁོངས་ཀྱི་རུལ་སུངས་དང་སྤྱོད་ཚུལ་གྱི་གནད་དོན་ཆེད་དོན་བཅོས་སྒྲིག་རྒྱུན་མཐུད་ཟབ་ཏུ་གཏོང་བ་དང་།  དབུལ་གྲོལ་འགག་སྒྲོལ་གྱི་ལས་རྗེས་དང་དབུལ་གྲོལ་སྲིད་ཇུས་ཀྱི་རྒྱུན་མཐུད་རང་བཞིན་དང་བརྟན་ལྷིང་རང་བཞིན་གྱི་གནས་ཚུལ་ལ་ལྟ་སྐུལ་ཞིབ་བཤེར་བྱེད་ཤུགས་ཆེ་རུ་གཏོང་བ།  ལྐོག་རྔན་བཟས་པ་དང་།  ཧམ་བཟུང་བྱས་པ།  རྫུན་ཞུ་བྱས་པ།  བརྫུས་ལེན་བྱས་པ།  ཟ་ལེན་བཀག་འཕྲོག་བྱས་པ།  གཉེན་གྲོགས་ལ་ལྟ་སྐྱོང་སོགས་ཀྱི་རུལ་སུངས་ཀྱི་གནད་དོན་ཞིབ་བཤེར་ཐག་གཅོད་ནན་པོ་བྱེད་པ།  འགོ་ཁྲིད་ལས་བྱེད་པས་དབུལ་གྲོལ་འགག་སྒྲོལ་ཐད་ཕྱི་ཚུལ་ཙམ་བྱས་པ་དང་།  རྒྱས་སྤྲོས་འཕྲོག་བརླག་བཏང་བ།  གཡོ་ཟོལ་བྱས་པ་སོགས་ཀྱི་གནད་དོན་ལ་ཞིབ་བཤེར་ཐག་གཅོད་ནན་པོ་བཅས་བྱས་ནས་དབུལ་གྲོལ་འགག་སྒྲོལ་ལ་ཕྱོགས་ཡོངས་ནས་རྒྱལ་ཁ་ཕུ་ཐག་གཅོད་ཆེད་སྲ་ཞིང་བརྟན་པའི་སྒྲིག་ཁྲིམས་ཀྱིས་འགན་ལེན་བྱེད་དགོས།།

  ༼  རྩོམ་སྒྲིག་གསལ་དགའ། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]