ལྗོངས་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་བཞི་པའི་ཀྲུའུ་ཞི་ཚོགས་པས་ཚོགས་འདུ་ཐེངས་གཉིས་པ་འཚོགས།

ཡོང་ཁུངས།   བོད་ལྗོངས་རླུང་འཕྲིན་བརྙན་འཕྲིན།       རྩོམ་པོ།   བོད་ལྗོངས་འཕྲིན་དྲ།      སྤེལ་དུས།   2021-01-22

您没有安装FlashPlayer或版本太低, 请点击获得最新版本FlashPlayer

 
 
 
 
00:00

སྤྱི་ཚེས ༢༡ ཉིན་གྱི་ཕྱི་དྲོ།  རང་སྐྱོང་ལྗོངས་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་བཞི་པའི་ཀྲུའུ་ཞི་ཚོགས་པས་ཚོགས་འདུ་ཐེངས་གཉིས་པ་འཚོགས་པ་རེད།  རང་སྐྱོང་ལྗོངས་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་བཞི་པའི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་ཝུའུ་དབྱིང་ཇེ་དང་བློ་བཟང་རྒྱལ་མཚན།  ཏིང་གཡས་ཤན།  ཡན་ཅིན་ཧའེ།  ནོར་བུ་དོན་གྲུབ།  བསྟན་ཁོ།  ཧོ་ཝུན་ཧའོ།  ལིའུ་ཅང་།  གྲེན་ཡུང་ཇི།  རྡོ་ཐོགས་སོགས་ཚོགས་འདུར་ཕེབས་ཡོད།  རང་སྐྱོང་ལྗོངས་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་བཞི་པའི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་བློ་བཟང་རྒྱལ་མཚན་གྱིས་ཚོགས་འདུ་གཙོ་སྐྱོང་གནང་བ་རེད།
ཚོགས་འདུའི་ཐོག་སྲིད་གཞུང་གི་ལས་དོན་སྙན་སྒྲོན་དང་།  ལོ་ལྔ་ཚན་བཅུ་བཞི་པའི་འཆར་འགོད་དང་སྤྱི་ལོ ༢༠༣༥ ལོའི་ཕུགས་ཀྱི་དམིགས་ཚད་ཀྱི་རྩ་གནད་འཆར་ཟིན།  འཆར་གཞིའི་སྙན་སྒྲོན།  སྔོན་རྩིས་སྙན་སྒྲོན་བཅས་ལ་གྲོས་ཞིབ་བྱས་ཚུལ་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི། ཚོགས་ཆེན་གྱི་དྲུང་ཡིག་ཆེ་མོ་རྡོ་ཐོགས་ནས་གནང་བའི་སྙན་ཞུ་གསན་པ་དང་།  སྲིད་གཞུང་གི་ལས་དོན་སྙན་སྒྲོན་སྐོར་གྱི་གྲོས་ཆོད་འཆར་ཟིན་ལ་བརྡས་ཐག་བཅད་དེ་གྲོས་འཆམ་བྱུང་ནས།  འཐུས་མི་ཚོགས་པ་ཁག་གིས་གྲོས་ཞིབ་བྱེད་རྒྱུར་ཕུལ་ཡོད།
ཚོགས་འདུའི་ཐོག་ལོ་ལྔ་ཚན་བཅུ་བཞི་པའི་འཆར་འགོད་དང་སྤྱི་ལོ ༢༠༣༥ ལོའི་ཕུགས་ཀྱི་དམིགས་ཚད་ཀྱི་རྩ་གནད་འཆར་ཟིན་སྐོར་གྱི་ནོར་སྲིད་དཔལ་འབྱོར་ཨུ་ཡོན་ལྷན་ཁང་གི་གྲོས་ཞིབ་འབྲས་བུའི་སྙན་སྒྲོན་དང་།  འཆར་གཞི་དང་སྔོན་རྩིས་སྐོར་གྱི་ནོར་སྲིད་དཔལ་འབྱོར་ཨུ་ཡོན་ལྷན་ཁང་གི་གྲོས་ཞིབ་འབྲས་བུའི་སྙན་སྒྲོན་གསན་པ་མ་ཟད།  ལོ་ལྔ་ཚན་བཅུ་བཞི་པའི་འཆར་འགོད་དང་སྤྱི་ལོ ༢༠༣༥ ལོའི་ཕུགས་ཀྱི་དམིགས་ཚད་ཀྱི་རྩ་གནད་འཆར་ཟིན་སྐོར་གྱི་གྲོས་ཆོད་འཆར་ཟིན་དང་།  འཆར་གཞི་དང་སྔོན་རྩིས་སྐོར་གྱི་གྲོས་ཆོད་འཆར་ཟིན་ལ་བརྡས་ཐག་བཅད་ནས་གྲོས་འཆམ་བྱུང་སྟེ་འཐུས་མི་ཚོགས་པ་ཁག་གིས་གྲོས་ཞིབ་བྱ་རྒྱུར་ཡང་ཕུལ་བ་རེད།
ཚོགས་འདུའི་ཐོག་བློ་མཐུན་ཅུས་ཅན་ཧྭ་དང་ལི་ཝུན་ཧན་རྣམ་གཉིས་ནས་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པའི་གོ་གནས་དགོངས་ཞུའི་རེ་འབུལ་དང་ལེན་སྐོར་གྱི་གཏན་འབེབས་འཆར་ཟིན་དང་།  རང་སྐྱོང་ལྗོངས་མི་དམངས་འཐུས་ཚོགས་སྐབས་བཅུ་གཅིག་པའི་ཚོགས་འདུ་ཐེངས་བཞི་པའི་འདེམས་བསྐོའི་སྐོར་གྱི་བྱ་ཐབས་འཆར་ཟིན་ལ་བརྡས་ཐག་བཅད་ནས་གྲོས་འཆམ་བྱུང་སྟེ་འཐུས་མི་ཚོགས་པ་ཁག་གིས་གྲོས་ཞིབ་བྱ་རྒྱུར་ཕུལ་བ་རེད།
ཚོགས་འདུའི་ཐོག་རང་སྐྱོང་ལྗོངས་མི་དམངས་འཐུས་ཚོགས་སྐབས་བཅུ་གཅིག་པའི་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པའི་འོས་མིའི་མཚན་ཐོའི་སྐོར་གྱི་འཆར་ཟིན་དང་།  རང་སྐྱོང་ལྗོངས་མི་དམངས་ཞིབ་དཔྱོད་ཁང་གི་ཞིབ་དཔྱོད་ཀྲང་གི་འོས་མིའི་མཚན་ཐོའི་སྐོར་གྱི་འཆར་ཟིན།  རང་སྐྱོང་ལྗོངས་མི་དམངས་འཐུས་ཚོགས་སྐབས་བཅུ་གཅིག་པའི་རྒྱུན་ལས་ཨུ་ཡོན་ལྷན་ཁང་ཨུ་ཡོན་གྱི་འོས་མིའི་མཚན་ཐོའི་སྐོར་གྱི་འཆར་ཟིན་བཅས་ལ་བརྡས་ཐག་བཅད་དེ་གྲོས་འཆམ་བྱུང་ནས།  འཐུས་མི་ཚོགས་པ་ཁག་གིས་ནང་གྲོས་གནང་རྒྱུར་ཕུལ་བ་རེད།།

 

 

 

 

  ༼  རྩོམ་སྒྲིག་ནོར་བུ། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]