གྲགས་ཅན་མི་སྣའི་པྲ་ཚིལ་འདྲ་བརྙན་ཁང་ཐོག་མ་དེ་ལྷ་སར་བཙུགས།

ཡོང་ཁུངས།   བོད་ལྗོངས་འཕྲིན་དྲ།       རྩོམ་པོ།   ཚེ་གཡུས། ཚེ་སྒྲོན།      སྤེལ་དུས།   2020-05-28

您没有安装FlashPlayer或版本太低, 请点击获得最新版本FlashPlayer

 
 
 
 
00:00

བོད་ཀྱི་ཁྱད་ལྡན་དམངས་སྲོལ་རིག་གནས་དང་རྒྱལ་སྤྱི་རྒྱལ་ནང་གི་ཁྱད་ལྡན་གློག་བརྙན།  རིག་གནས་སོགས་ཀྱི་ནང་དོན་མཉམ་བསྲེས་བྱས་ཡོད་པའི་གངས་ལྗོངས་པྲ་ཚིལ་འདྲ་བརྙན་ཁང་དེ་ལྷ་སའི་གྲོང་ནུབ་བོད་བསྐོར་དཀྱིལ་འཁོར་ཁུལ་དུ་གནས་ཤིང་དེ་ནི་བོད་ཀྱི་པྲ་ཚིལ་འདྲ་བརྙན་ཁང་ཐོག་མ་དེ་ཡིན།

པྲ་ཚིལ་འདྲ་བརྙན་ཁང་དེར་བོད་ཀྱི་དམངས་སྲོལ་ཁུལ་དང་བོད་ལྗོངས་རིག་གནས་ཁུལ།  རོལ་དབྱངས་ཕྱོགས་བསྡུས་སྒྱུ་རྩལ་ཁུལ་སོགས་ཚུད་ཡོད་པ་དང་འགྲེམས་ཁང་གི་རྒྱ་ཁྱོན་ལ་སྨིད་ངོས་སྙོམས་གྲུ་བཞི་མ ༣༠༠༠ ཙམ་ཡོད།  གོ་རིམ་བཞིན་སྲོལ་རྒྱུན་གྱི་བོད་བཟོའི་ཐབ་ཚང་དང་དེ་བཞིན་ཇ་བསྲུབས་བཞིན་པའི་ཨ་མ་རྒན་མོ།  རང་ལྗོངས་ཀྱི་གྲགས་ཅན་སྒྱུ་རྩལ་མཁས་ཅན་དང་གཞས་གདངས་རྩོམ་མཁན།  འཁྲབ་སྟོན་པ་བཅས་ཀྱི་གཟུགས་བརྙན་ཡོད་པ་མ་ཟད།  རྒྱལ་ཕྱི་རྒྱལ་ནང་གི་འཁྲབ་ཁྲིད་པ་དང་ཚན་རྩལ་ཁྱབ་ཁོངས་ཀྱི་མི་སྣ།  ཚོང་དོན་ལས་རིགས་ཀྱི་གྲགས་ཅན་མི་སྣ་སོགས་འཛམ་གླིང་ཐོག་སྐད་གྲགས་ཆོད་པའི་ཕུལ་བྱུང་མི་སྣའི་གཟུགས་བརྙན་སོགས་ཀྱང་མང་པོ་འགྲེམས་སྟོན་བྱས་ཡོད།  མངོན་སུམ་དུ་སྣང་བའི་པྲ་ཚིལ་འདྲ་བརྙན་དེ་དག་རེ་རེ་བཟོ་བར་ཧ་ལམ་ཟླ ༣ ནས ༦ ཙམ་གྱི་དུས་ཚོད་འགོར་གྱི་ཡོད།

ཤེས་རྟོགས་བྱས་པར་གཞིགས་ན།  སྤྱི་ཟླ་བཞི་པ་ནས་བཟུང་པྲ་ཚིལ་འདྲ་བརྙན་ཁང་དེ་ཕྱི་ཕྱོགས་སུ་ཉམས་ལེན་རྣམ་པའི་ཐོག་ནས་སྒོ་དབྱེ་བྱས་ཡོད་པ་དང་།  མང་ཚོགས་ཚོས་འཕྲིན་ཕྲན་སྤྱི་སྟེགས་བརྒྱུད་སྤ་སེ་སྔོན་མངགས་བྱེད་པའམ་ཡང་ན་ས་གནས་ས་ཐོག་ཏུ་སྤ་སེ་ཉོ་ཆོག་གི་ཡོད།  རིམས་ནད་འགོག་ཟོན་གྱི་བླང་བྱ་གཞིར་བཟུང་ཉིན་རེའི་ལྟ་སྐོར་མི་གྲངས ༥༠ ནས ༡༠༠ བར་ཚོད་འཛིན་བྱས་ཡོད།

པྲ་ཚིལ་འདྲ་བརྙན་ཁང་གི་འགན་འཁུར་མི་སྣ་བསྟན་འཛིན་དབང་རྒྱལ་ནས།  གོམ་སྟབས་རྗེས་མར་པྲ་ཚིལ་འདྲ་བརྙན་ཁང་གིས་ཡུལ་སྐོར་བའི་དགོས་མཁོར་གཞིགས་ནས་རྣམ་པ་དང་མི་སྣ་བཀོད་སྒྲིག་ཐད་འབད་བརྩོན་བྱས་ཏེ་དེ་བས་མངོན་སུམ་དང་དེ་བས་ལངས་གཟུགས་ཅན་དུ་འགྱུར་བ་བྱེད་རྒྱུ་མ་ཟད།  ད་དུང་དུས་ངེས་མེད་དུ་ཡོལ་བ་འབྱེད་པའི་མཛད་སྒོ་འཚོག་སྟེ་གྲགས་ཅན་མི་སྣ་གདན་འདྲེན་ཞུས་ནས་པྲ་ཚིལ་འདྲ་བརྙན་དང་ངོ་ཐུག་གདོང་འཕྲད་ཀྱི་བསྡུར་བ་བྱས་ཐོག  མཉམ་འགུལ་དང་སྤྲོ་སྣང་རང་བཞིན་ཆེ་རུ་བཏང་སྟེ་པྲ་ཚིལ་འདྲ་བརྙན་ཁང་དེ་མང་ཚོགས་དང་འབྲེལ་འདྲིས་ཟབ་མོ་ཡང་ཡོང་བ་བྱེད་རྒྱུ་ཡིན་ཞེས་བཤད།།

  ༼  རྩོམ་སྒྲིག་གསལ་དགའ། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]