ལོ་རྒྱུས་མངོན་པའི་སྙན་ངག་ཟློས་གར་ཆེ་གྲས་ཝུན་ཤིང་ཀོང་ཇོ་ཞེས་པ་དུས་ཚིགས་བརྒྱད་པའི་འཁྲབ་སྟོན་བྱེད་འགོ་ཚུགས།

ཡོང་ཁུངས།   བོད་ལྗོངས་འཕྲིན་དྲ།       རྩོམ་པོ།   རྡོ་རྗེ་ཚེ་རིང་།      སྤེལ་དུས།   2020-06-03

您没有安装FlashPlayer或版本太低, 请点击获得最新版本FlashPlayer

 
 
 
 
00:00

སྤྱི་ཟླ་དྲུག་པའི་ཚེས ༡ ཉིན་གྱི་དགོང་མོ།  བོད་ཀྱི་རིག་གནས་ཡུལ་སྐོར་གྱི་མིང་བྱང་ལྟ་བུར་གྱུར་ཞིང་ལོ་རྒྱུས་མངོན་པའི་སྙན་ངག་ཟློས་གར་ཆེ་གྲས་ཝུན་ཤིང་ཀོང་ཇོ་ཞེས་པ་དུས་ཚིགས་བརྒྱད་པའི་འཁྲབ་སྟོན་བྱེད་འགོ་ཚུགས་ཡོད།  དེས་བོད་ཀྱི་རིག་གནས་ཡུལ་སྐོར་ཁྲོམ་ར་གོ་རིམ་ལྡན་པའི་ངང་སླར་གསོ་ཐུབ་རྒྱུར་སྐུལ་འདེད་ནུས་ལྡན་ཐེབས་རྒྱུ་རེད་ལ།  ལྷ་སར་ཐོབ་པའི་དབུལ་གྲོལ་འགག་སྒྲོལ་ཐད་ཀྱི་གྲུབ་འབྲས་ཀྱང་དེ་བས་སྲ་བརྟན་དང་མཐོ་རུ་གཏོང་ཐུབ་ངེས་རེད།

བརྗིད་ཉམས་ལྡན་པའི་རོལ་དབྱངས་ཁྲོད།  ཐང་བོད་ཀྱི་གནའ་ཉམས་མངོན་པའི་རྒྱན་གོས་དང་།  བརྗིད་ཉམས་ལྡན་པའི་མངོན་མིན་ཤུལ་བཞག་རིག་གནས་སུ་གཏོགས་པའི་བྲོ་གར་གྱི་ཉམས།  ལོ་རྒྱུས་ཀྱི་ཆབ་རྒྱུན་ནང་གྲགས་པའི་ངོ་མཚར་གྱི་གཏམ་རྒྱུད་བཅས་ལས་རི་མགོ་གཅིག་ལ་གཅིག་སྦྲེལ་གྱི་ས་ཁོངས་སུ་གནས་པའི་རྒྱ་བོད་མི་རིགས་དབར་གྱི་མཛའ་གྲོགས་འགྲོ་འོང་སླར་ཡང་མངོན་གསུམ་དུ་སྣང་ཡོང་བས་མི་སེམས་ལ་གཡོ་འགུལ་མི་ཐེབས་པ་ཞིག་ག་ནས་ཡོང་།

ཝུན་ཤིང་ཀོང་ཇོ་ཟློས་གར་ཁང་གིས་རིམས་ནད་སྔོན་འགོག་ཚོད་འཛིན་ནན་པོ་བྱས་ཏེ།  ལུས་དྲོད་འཇལ་བ་དང་ཁ་རས་རྒྱག་ཏུ་འཇུག་པ།  དུག་སེལ་བྱེད་པ།  བདེ་ཐང་ཨང་རྟགས་བཤེར་བ་སོགས་འགོག་སྲུང་ཀྱི་བྱ་ཐབས་ཁག་ནན་པོ་བཟུང་བ་དང་ཆབས་ཅིག་མི་ཚོགས་ལ་ཚོད་འཛིན་བྱས་ནས།  འཁྲབ་སྟོན་གྱི་དགོང་མོ་དང་པོ་དེར་ལྟད་མོ་བ་བརྒྱ་ཆ་སུམ་ཅུའི་ནང་ཚོད་འཛིན་ནན་པོ་བྱས་པ་དང་།  ལྟད་མོ་བ་གཤིབ་གཤིབ་ཏུ་སྡོད་མེད་དགོས་པར་བར་ཐག་ཆོད་ཡོད་པས་ཡུལ་སྐོར་བ་ཚོར་དེ་བས་བདེ་འཇགས་དང་སྐྱིད་སྣང་དོད་པའི་ལྟད་མོ་ལྟ་ས་ཞིག་མཁོ་འདོན་ཐུབ་ཡོད།

ལོ་རྒྱུས་སྙན་ངག་དཔལ་མི་ཉམས། བརྩེ་སེམས་ཟབ་མོ་མུ་མཐའ་བྲལ།  འཁྲབ་སྟོན་སྒྲིག་འཛུགས་བྱེད་མཁན་ཕྱོགས་ཀྱིས་འཁྲབ་སྟོན་ཐེངས་དང་པོར་ཆེད་མངགས་ནད་ཡམས་འགོག་ཟོན་ཁྲོད་ལེགས་སྐྱེས་ཆེན་པོ་ཕུལ་མཁན་ལྷ་སའི་སྨན་དོན་མི་སྣ་དང་སྤྱི་བདེ་ལས་བྱེད་ཉེན་རྟོག་པའི་འཐུས་མི་གདན་དྲངས་ནས་འཁྲབ་སྟོན་བྱས་པ་མ་ཟད།  དེ་ཉིན་དགོང་མོ་འཁྲབ་སྟོན་མཇུག་འགྲིལ་རྗེས་འཁྲབ་སྟོན་པ ༨༠༠ ལྷག་ཙམ་གྱིས་མཉམ་དུ་གར་སྟེགས་ཐོག་བསྐྱོད་ནས།  དེ་གར་ཡོད་པའི་རིམས་ནད་ཁྲོད་རང་ནུས་སྐྱེས་སུ་ཕུལ་མཁན་ས་མཐོའི་འགོག་སྲུང་ཕོ་ཉ་རྣམས་ལ་ལྷག་བསམ་ཟོལ་མེད་ཀྱི་གུས་འདུད་ཀྱང་ཞུས་པ་རེད།

ཤེས་རྟོགས་བྱུང་བར་གཞིགས་ན།  འཁྲབ་སྟོན་དུས་ཚིགས་བརྒྱད་པའི་རིང་རྒྱལ་ཡོངས་ཀྱི་སྨན་དོན་མི་སྣ་དང་སྤྱི་བདེ་ལས་བྱེད་ཉེན་རྟོག་པ་སོགས་ཀྱིས་གོ་ཆོད་ལག་ཁྱེར་ལ་བརྟེན་ནས་རིན་མེད་ངང་ལྟད་མོ་ལྟ་ཆོག་གི་ཡོད།  བསམ་བློ་གཏིང་ཟབ་ལ་སྒྱུ་རྩལ་རྩེར་སོན་པ་དང་།  སྒྲིག་བཟོ་སྤུས་ལེགས་བཅས་ཡིན་པའི་བོད་ཀྱི་རིག་གནས་འཁྲབ་ཚན་རྩེ་གྲ་ཞིག་ཡིན་པའི་ངོས་ནས།  ལོ་བརྒྱད་རིང་ཝུན་ཤིང་ཀོང་ཇོ་ཞེས་པའི་འཁྲབ་ཚན་དེས་སྔར་བཞིན་རིག་གནས་སྒྱུ་རྩལ་མེ་ཏོག་གི་མཛེས་པ་མི་ཉམས་གོང་འཕེལ་བཏང་བ་དང་།  ཀྲུང་ཧྭ་ཡི་སྲོལ་རྒྱུན་ཕུལ་བྱུང་རིག་གནས་རྒྱུན་འཛིན་བྱས་ཏེ།  མི་རིགས་མཐུན་སྒྲིལ་དང་ལྷ་སའི་རིག་གནས་ཡུལ་སྐོར་ཐོན་ལས་མཉམ་འདྲེས་འཕེལ་རྒྱས་འགྲོ་རྒྱུར་སྐུལ་འདེད་དེ་བས་ཆེ་བ་བཏང་ཡོད།  ལྷག་པར་དུ་ས་གནས་དེ་གའི་ཞིང་འབྲོག་མང་ཚོགས་ཆིག་སྟོང་ལྷག་ཙམ་རྣམ་གྲངས་འཛུགས་སྐྲུན་ནམ་ཡང་ན་འཁྲབ་སྟོན་ནང་ཞུགས་སུ་བཅུག་ཡོད་པ་དེས།  དེ་ཁུལ་གྱི་མང་ཚོགས་དབུལ་གྲོལ་ཕྱུག་འགྱུར་ཡོང་རྒྱུར་སྐུལ་ཁྲིད་ཀྱི་ནུས་པ་ཡང་ཧ་ཅང་ཆེན་པོ་ཐོན་ཡོད།།

  ༼  མིག་ཚེས་བསྒྱུར། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]